ARTS DROP NATUR

Prosiect unigryw oedd Arts Drop Natur, wedi’i gynllunio i gefnogi lles plant bregus a difreintiedig a’u teuluoedd yn ystod y cyfnod clo a thrwy gydol y pandemig trwy ddarparu pecynnau cysylltiad natur creadigol a gweithgareddau lles i’w cartrefi. Rheolwyd Arts Drop Natur gan Goetir Anian gyda chefnogaeth gan ‘Arts Drop,’ sefydliad celfyddydau a greuwyd gan ymgynghorydd iechyd meddwl a’r celfyddydau. Ariannwyd prosiect  Arts Drop Natur yn hael iawn gan Sefydliad Moondance a Chronfa Gwydnwch Coronafirws Cymru ac fe’i weinyddwyd gan Sefydliad Cymunedol Cymru.

Rydym yn hynod falch bod Cyngor Calderdale wedi penderfynu defnyddio cyllid y llywodraeth ar gyfer plant bregus a difreintiedig yn ystod gwyliau ysgol y Pasg i fynd â Arts Drop Natur i 5,300 o blant. Mae hwn yn fersiwn lai o’r prosiect gwreiddiol, gyda 10 cerdyn post gweithgaredd yn hytrach na’r 20 gwreiddiol. Fodd bynnag, roeddynt yn defnyddio’r fformat gwreiddiol, gan gynnwys y bagiau, ein cardiau post a digon o ddeunyddiau celf.

Dyluniwyd y pecynnau yn benodol ar gyfer plant y nodwyd eu bod gartref, mewn perygl a chyda mynediad cyfyngedig i’r rhyngrwyd. O ddydd Mawrth 10fed o Dachwedd 2020, dosbarthodd gweithwyr allweddol ac athrawon becynnau gweithgaredd natur greadigol arbenigol i 600 o blant a phobl ifanc a nodwyd fel y rhai mwyaf bregus yn ‘nalgylch’ Coetir Anian – ardaloedd Gogledd Ceredigion, Powys (Machynlleth, Llanidloes a’r Drenewydd ) a Meirionnydd.
Roedd y pecynnau’n cynnwys ‘bag tote’ o ddeunyddiau celf o ansawdd uchel (gweler y lluniau isod) ac 20 cerdyn post o weithgareddau creadigol sy’n briodol i’w hoedran. Datblygwyd a dosbarthwyd tri phecyn gwahanol ar gyfer plant a phobl ifanc ar draws ystod oedran eang:
• 80 pecyn ar gyfer plant blynyddoedd cynnar – hyd at 5 oed
• 370 pecyn ar gyfer plant rhwng 6 ac 11 oed
• 150 pecyn ar gyfer pobl ifanc rhwng 12 a 18 oed

Cafodd y pecynnau dderbyniad cadarnhaol ym mhob man. Gwnaeth ein partneriaid i gyd sylwadau ar ansawdd ac amrywiaeth y gweithgareddau a’r deunyddiau a ddarperwyd, gan nodi eu gwerthfawrogiad o ffocws ar lesiant trwy gysylltiad natur.

Defnyddiodd Ceredigion TAF y pecynnau yn greadigol iawn. Ar gyfer rhai yn eu harddegau, sefydlwyd grŵp rhithwir ar y cyd gan TAF Ceredigion, Tîm Ieuenctid Cyngor Ceredigion a Choetir Anian. Unwaith yr wythnos am 6 wythnos cwrddodd grŵp ar-lein i wneud un o’r gweithgareddau o’r pecyn gyda’i gilydd, gyda gweithgaredd arall yn cael ei osod i’r bobl ifanc ei wneud ar eu pennau eu hunain (neu gyda’u teuluoedd) yn yr awyr agored yn ystod yr wythnos. Ar gyfer eu plant cyn-ysgol, dosbarthodd TAF Ceredigion pecynnau Arts Drop Natur ynghyd â thalebau i brynu esgidiau glaw a chotiau i deuluoedd oedd yn wynebu caledi. Yn ogystal, dechreuodd TAF hwyluso grŵp rhithwir ar gyfer y teuluoedd hyn. Y prif nod oedd annog rhieni i fynd â’u plant allan i roi cynnig ar weithgareddau Arts Drop Natur, trwy ddefnyddio’r adnoddau yn y pecynnau ac ategwyd atynt gyda llyfrau stori.

Bu’n werthfawr gweld sut gwnaeth gwahanol asiantaethau ymgysylltu â Arts Drop Natur ac ymateb iddo. Mae Coetir Anian wedi mwynhau adeiladu partneriaethau newydd gyda’r asiantaethau a’r ysgolion hyn, gyda’r nod o weithio gyda phlant a theuluoedd mwy bregus a difreintiedig yn y dyfodol. Uwchlwythwyd y cardiau gweithgaredd natur i gyd i wefan Arts Drop. Cafodd pob ysgol yng Ngheredigion, ynghyd ag ysgolion ym Mhowys a Meirionnydd ac asiantaethau eraill sy’n cefnogi plant bregus a difreintiedig a’u teuluoedd, y ddolen i’r wefan er mwyn i athrawon a gweithwyr allweddol gyrchu a defnyddio’r gweithgareddau gyda’u holl ddisgyblion ar dir eu hysgol. Wrth i’r adferiad o’r pandemig barhau, ac wrth i adroddiadau ddangos bod iechyd meddwl yn dirywio, mae llesiant yn bwysicach fyth i’n holl blant a phobl ifanc ledled Cymru. Gobeithio y bydd Arts Drop Natur yn helpu rhai o’r plant hyn nawr ac yn y dyfodol.