Gwirfoddoli
Dwi bob amser yn mwynhau dod i Fwlch Corog i wirfoddoli. Gall y gwaith fod yn anodd ar brydiau, ond r’ych chi’n teimlo bod yr amser yn cael ei dreulio’n dda. Ac mae’n ffordd dda o helpu bywyd gwyllt i ffynnu hefyd.
Diolch am ddangos diddordeb mewn gwirfoddoli gyda ni. Mae gwirfoddolwyr yn hanfodol i lwyddiant y prosiect, ac rydym yn cynnig ystod eang o brofiadau gwirfoddoli diddorol. Y brif ffordd o ymuno gyda ni yw trwy helpu gyda thasgau ymarferol ar ein safle ym Mwlch Corog – rydym yn cynnal dau ddiwrnod gwaith pob mis, fel arfer ar ddydd Iau canol y mis a dydd Sadwrn olaf y mis.
Oherwydd natur y safle, a’r angen i gerdded pellteroedd cymedrol dros dir heriol ar gyfer llawer o’r tasgau, yn anffodus nid yw ein diwrnodau gwaith yn addas i bawb. Os hoffech ymuno â ni ond ddim yn siŵr a yw ein diwrnodau gwaith yn iawn i chi, cysylltwch â ni i drafod eich pryderon.
Os oes gennych ddiddordeb mewn helpu gydag agweddau eraill o’n gwaith, yna cysylltwch gyda ni er mwyn trafod posibilidau.
Er mwyn derbyn yr wybodaeth ddiweddaraf, gofynnwch i gael bod ar ein rhestr ebost.
Diwrnodau gwaith nesaf:
Isod mae’r gweithgareddau mwyaf tebygol – ond gallant newid yn ôl y tywydd / anghenion y safle.
Os hoffech ymuno â ni, buasem yn gwerthfawrogi pe gallech roi gwybod i ni ymlaen llaw drwy gysylltu â ni: post@coetiranian.org
Dydd Iau
9fed Gorffennaf – Clirio Rhedyn
13eg Awst – Clirio Rhedyn
10fed Medi – Tasgau i’w cadarnhau
8fed Hydref – Tasgau i’w cadarnhau
12fed Tachwedd – Tasgau i’w cadarnhau
Dydd Sadwrn
27ain Mehefin – Clirio Rhedyn
25ain Gorffennaf – Clirio Rhedyn
22ain Awst – Tasgau i’w cadarnhau
26ain Medi – Tasgau i’w cadarnhau
31ain Hydref – Tasgau i’w cadarnhau
Ar y diwrnod:
Mae lifftiau ar gael o Fachynlleth. Rhowch wybod i ni os hoffech lifft, ac i faint o bobl.
NEU: ewch yn syth i Fwlch Corg erbyn 10 y.b. – dyma sut i’n ffeindio ni. Mae’r trac yn gul ac yn arw, a gofynnwn i chi rannu cerbydau os yn bosib er mwyn lleihau ein heffaith.
Gwisgwch ddillad addas ar gyfer y tywydd ac esgidiau ar gyfer tir gwlyb, os gwelwch yn dda. Mae rhannau o’r safle yn agored iawn, a gall fod yn llawer oerach ac yn fwy gwyntog nag i lawr yn y dyffryn.
Bydd diodydd poeth, bisgedi a weithiau cacen ar gael ar ddechrau’r diwrnod, ond dewch â bwyd a diod yn ôl yr angen ar gyfer amser cinio, os gwelwch yn dda.
Rydym yn gorffen tua 4pm, (weithiau’n gynharach os yw’r tywydd yn mynd yn drech arnom ni).
Os oes unrhywbeth arall hoffech wybod, cysylltwch, a byddwn yn ateb unrhyw gwestiynau.Â
