Adfer cynefinoedd a rhywogaethau, cysylltu pobl gyda natur a mannau gwyllt

Lleolir Coetir Anian yn ucheldiroedd Canolbarth Cymru ger yr Afon Dyfi a’r môr. Mae’n le ac yn brosiect – yn adfer cynefinoedd a rhywogaethau’r dirwedd hon ac yn rhoi profiadau natur dwfn i bobl mewn lleoliad gwyllt.

Mae mawndir yn cael ei adfer i orgors a rhostir yr ucheldir. Mae gorchudd coed yn cynyddu i ail-greu ehangder mawr o goedwig frodorol a phorfa goed. Mae anifeiliaid gwyllt yn dychwelyd ac mae ailgyflwyno rhywogaethau ar y gweill.

Mae’r prosiect yn gweithio gydag ysgolion cynradd ac yn cynnal gwersylloedd ieuenctid ar gyfer pobl ifanc bregus a difreintiedig. Mae mwy o raglenni ar gyfer oedolion a phobl ifanc yn cychwyn eleni. Fel adnodd cymunedol, mae’r coetir ar gael am ddim i fwynhau pleserau syml fel cerdded a gwersylla, gan gadw at yr egwyddor o adael dim ôl .

“R’yn ni wedi darganfod pwy ydyn ni.” – Disgybl, Ysgol Uwchradd Crughywel

“Dyma brosiect y dylai pob disgybl yng Nghymru ei brofi.” – Athro, Ysgol Uwchradd Crughywel

“Gwnaeth i fi feddwl am fywyd a fy hunan – roeddwn i’n hoffi bod o amgylch y tân fel teulu.” – Disgybl, Ysgol Gyfun Llanidloes

“Cafodd y plant gyfle i ddatblygu eu sgiliau gwaith tîm a thrafod. Maent wedi mwynhau’r profiad ac wedi dysgu sgiliau bywyd go iawn.” – Athrawes, Ysgol Gynradd Penllwyn

“Rwy’n credu bod y trip yn anhygoel! A dysgais lawer! A’r pethau ges i lawer o hwyl yn eu dysgu oedd am gynnau tân, a hoffwn fynd eto! Go iawn! Roedd yn wych!!” -Disgybl, Ysgol Gynradd Maesyrhandir

“Ymrwymodd y myfyrwyr yn llawn i’r profiad ac wrth i’r wythnos fynd heibio gwelsom rai newidiadau gwych.” – Athro, Ysgol Uwchradd Crughywel

“Roedd yn brofiad anhygoel. Dwi wedi dysgu pethau anhygoel a newydd. Mae Jane a Clarissa yn garedig iawn. Methu aros i ddod yn ôl eto.” – Disgybl, Ysgol Gynradd Penllwyn

“Roedd y cyfle i’r plant fentro’n ddiogel yn wych – cynnau tân, blasu cnau cyll, chwarae ym myd natur.” – Athrawes, Ysgol Gynradd Maesyrhandir

“Rwy’ wedi cael diwrnod hwyliog a diddorol iawn, rwy’n credu ei fod wedi agor ‘fi’ newydd.” – Disgybl, Ysgol Gyfun Llanidloes

“Y pethau gorau: cynnau tân, rhoi cynnig ar gnau Ffrengig. Y pethau anodd: bod yn ddigon dewr i roi cynnig ar afalau surion, cynnau tân gyda’r dur tân. Y pethau newydd: coginio bara naturiol, cynnau tân â matsis.” – Disgybl, Ysgol Gynradd Penllwyn

TIR

Adfer cynefinoedd a rhywogaethau ar draws y dirwedd

POBL

Profiadau gwyllt ar gyfer addysg a chysylltiad natur

AMCANION STRATEGOL A CHYNLLUNIAU

Amcanion Strategol a Chynlluniau yr elusen

PA NEWYDD?

DIWRNOD GWAITH GWIRFODDOL – Dydd Sadwrn 24ain o Orffennaf. Mwy o wybodaeth yma.

Holl weithgareddau Arts Drop Natur ar gael i chi lawrlwytho!

Ymunwch gyda ni ar gyfer GWERSYLL BYW’N WYLLT – Gorffennaf 29ain – Awst 2il. Mwy o wybodaeth yma.

O’r diwedd, mae’n ymddangos bod y llywodraeth a busnes yn deffro i’r gwir ein bod yn rhan o natur a taw natur yn unig sy’n darparu ar gyfer ein hanghenion. Mae ‘The Economics of Biodiversity: The Dasgupta Review’ yn dadlau dros newid ein system economaidd i adlewyrchu hyn.

Wrth i Ddegawd y Cenhedloedd Unedig ar Adfer Ecosystemau 2021 – 2030 gychwyn, nod Coetir Anian yw chwarae’r rhan lawnaf y gallwn trwy adfer cynefinoedd dros ardal ehangach a chynyddu bywyd gwyllt.

Adfer cynefinoedd a rhywogaethau, cysylltu pobl gyda natur a mannau gwyllt

TIR

POBL

AMCANION STRATEGOL A CHYNLLUNIAU

Cofrestru ar gyfer ein cylchlythyr