Dydd Sadwrn Mehefin y 6ed

08:00 – 15:00

Ddydd Sadwrn y 6ed o Fehefin, byddwn yn cynnal ein diwrnod agored blynyddol ym Mwlch Corog, y tir rydyn ni’n gofalu amdano ger Machynlleth.

Bydd cyfleoedd i weld gwahanol rannau o’r tir, sgwrsio â staff am holl agweddau gwahanol ein gwaith ym Mwlch Corog, gobeithio cwrdd â’n merlod Carneddau a’r gwartheg Ucheldir a Gwyn Cymreig, ynghyd â chacen o amgylch y tân a gweithgareddau natur i blant.

Byddwn hefyd yn cael ein gwledda gan y cerddor lleol gwych a’r hanesydd diwylliannol Cynefin, ac ar ôl poblogrwydd adrodd straeon y llynedd, bydd y rhyfeddol Milly Jackdaw yn ôl gyda chwedlau ceffylau.

Gweler amserlen y dydd uchod.

Anfonwch e-bost atom yn post@coetiranian.org i gofrestru ar gyfer y daith gerdded cân adar am 8yb, ond nid oes angen cofrestru ar gyfer unrhyw ran o weddill y dydd. Diolch!

Bydd gweithgareddau’r plant yn egnïol, yn yr awyr agored ac yn seiliedig ar natur, a byddant ar gael drwy gydol y dydd.

Bydd sesiynau blas gwirfoddoli yn ystod y bore a’r prynhawn i unrhywun sydd eisiau profi gwirfoddoli cadwraeth.

Gwisgwch esgidiau addas a gwisgwch yn briodol ar gyfer y tywydd (gall fod ychydig raddau’n oerach i fyny ym Mwlch Corog nag i lawr yn y dyffryn, felly dewch â haen sbâr!) Argymhellir yn gryf wisgo trowsus a llewys hir, gan ein bod ni yn nhymor y trogod nawr.

Bydd diodydd poeth a chacen ar gael am ddim (gan gynnwys opsiynau fegan a di-glwten), ond dewch â’ch cinio eich hun os ydych chi’n bwriadu aros drwy’r dydd.

Os oes gennych unrhyw gwestiynau, anfonwch e-bost atom i post@coetiranian.org, a byddwn yn cysylltu â chi cyn gynted ag y gallwn.

Dewch draw os gallwch chi, am y diwrnod cyfan neu ran ohono!

Dydd Sadwrn 4 Gorffennaf

Ar ddydd Sadwrn y 4ydd o Orffennaf rydym yn gwahodd unrhyw un sydd â diddordeb mewn natur, bywyd gwyllt, ecoleg, neu unrhyw beth rhyngddynt i ymuno â ni ym Mwlch Corog am ddiwrnod o rannu gwybodaeth. Byddwn yn ymweld â gwahanol rannau o’r safle, dan arweiniad staff ac ecolegwyr lleol, gan gofnodi’r bywyd gwyllt a ddarganfyddwn wrth i ni fynd a dysgu o arbenigeddau a diddordebau ein gilydd.

Cyhoeddir manylion ac amseroedd yn fuan, yma ac ar ein cyfryngau cymdeithasol.

Dau bob mis
Gwelwch y dyddiadau yma

Mae ein diwrnodau gwirfoddoli’n ffordd wych o dreulio amser yn yr awyr agored, yn gwneud gwaith sy’n bodloni’r enaid mewn lle prydferth! Ewch i’n tudalen Gwirfoddoli i weld yr holl fanylion.

Bydd mwy o ddigwyddiadau yn ymddangos yma wrth i ni eu trefnu. Byddwn yn eu postio ar ein cyfryngau cymdeithasol hefyd (mae dolenni i’n dilyn ar waelod y dudalen hon) neu gallwch ymuno â’n rhestr e-bost isod os hoffech hoffi cael eich diweddaru. Cymerwch olwg ar ein cyfryngau cymdeithasol neu ein sianel YouTube, neu ar ein cylchlythyr diweddaraf i weld pa fath o bethau rydyn ni’n eu gwneud.

Mae gwirfoddoli yn ffordd wych o weld Bwlch Corog, ac i sgwrsio gyda’n staff a darganfod beth ydyn ni i gyd amdano.

A gallwch chi bob amser ymweld â Bwlch Corog yn eich amser eich hun!