Llysgenhadon Natur
Mae ein rhaglen ‘Llysgenhadon Natur’ yn cynnig diwrnod yr wythnos am 6 wythnos i grwpiau o ddisgyblion ysgol uwchradd sy’n cael trafferth cael mynediad at y cwricwlwm cenedlaethol am amrywiaeth eang o resymau, er enghraifft colli clyw, nam ar y golwg, anghenion dysgu ychwanegol, ymddygiad heriol, gorbryder, ac ati. Mae’r disgyblion yn dysgu sgiliau newydd wrth iddynt helpu i adfer cynefinoedd a chynyddu bioamrywiaeth ar ein tir. Yn ogystal â chwarae gemau ar thema natur, maent yn cymryd rhan mewn crefftau creadigol fel gwneud siarcol, canhwyllau cwyr gwenyn a symudolau crog addurniadol wedi’u gwneud o ddeunyddiau naturiol a gasglwyd. Maent hefyd yn cymryd rhan mewn gweithgareddau mwy ymarferol fel plannu coed, plannu hadau grug, adeiladu blychau adar a gwestai pryfed, clirio gordyfiant mieri, monitro coed, a hollti a phentyrru coed tân, a choginio dros dân gwersyll.
Wrth i’r rhaglenni hyn fynd rhagddynt, rydym yn gweld twf trawiadol yng ngwydnwch, hyder a sgiliau arweinyddiaeth y cyfranogwyr, ac rydym yn gweld cyfeillgarwch newydd yn datblygu o fewn y grwpiau.
Ar hyn o bryd rydym yn gweithio gyda grwpiau o ysgolion Penglais a Phenweddig yn Aberystwyth, ac ysgol Bro Hyddgen ym Machynlleth.
Mae’n gwneud i mi deimlo’n hapus bod yn yr awyr agored. Dw i’n hoffi’r ardal lle mae – mae’n gwneud i mi deimlo’n hapus
Ar ddiwedd pob dydd, pan fyddwn yn ffarwelio â bws yn llawn pobl ifanc blinedig a mwdlyd ond yn gwenu, yn hyderus ac yn hapus, rydym yn gwerthfawrogi unwaith eto bŵer natur a’r awyr agored i wella lles, hunan-barch a hunanhyder.
