PARTNERIAETH CORFFORAETHOL
Ateb i’r argyfwng ecolegol
Yn y cyfnod hwn o argyfwng ecolegol rydym yn wynebu dewis. Gallwn wneud dim a gwylio ein byd yn parhau i ddirywio, neu gallwn weithio gyda’n gilydd i newid y llwybr i un o obaith. Yn ystod Degawd y Cenhedloedd Unedig ar Adfer Ecosystemau 2021-30, fe’n hanogir i ddod â dinistr natur i ben a chyfeirio ein hadnoddau at adfer cynefinoedd a rhywogaethau. Mae angen i ni i gyd gymryd rhan mewn atgyweirio byd sydd wedi’i ddifrodi a gweithio i adfer digonedd naturiol.
Yng Nghoetir Anian ein nod yw chwarae’r rhan lawnaf y gallwn wrth adfer ecosystemau. Mae cysylltu pobl â natur wyllt yn ganolog i’r gwaith hwn ac yn darparu buddion cymdeithasol trawsnewidiol. Bydd eich cefnogaeth yn ein galluogi i gyflawni ein blaenoriaethau ar gyfer 2021-30:
Cynyddu arwynebedd tir Coetir Anian a gweithio gyda thirfeddianwyr cyfagos.
Parhau â gweithgareddau i adfer cynefinoedd naturiol. Cynyddu bywyd gwyllt trwy brosiectau ailgyflwyno rhywogaethau.
Parhau â’n rhaglen Ysgolion Cynradd a Gwersylloedd Ieuenctid llwyddiannus ar gyfer y gymuned leol.
Adeiladu ar y rhaglenni ysbrydoledig hyn i ddarparu gweithgareddau ar gyfer ystod fwy amrywiol o gyfranogwyr.
Buddion busnes
Mae cymdeithas yn newid. Mae pobl yn fwyfwy ymwybodol o’r hyn sy’n digwydd i’r blaned ac eisiau bod yn rhan o’r ateb. Fel defnyddwyr, buddsoddwyr a gweithwyr, mae pobl eisiau sicrhau nad yw eu hadnoddau yn cyfrannu at broblemau amgylcheddol ond yn hytrach eu bod yn helpu i wella’r byd. Mae gan hyn oblygiadau diriaethol i fusnesau.
Rydym yn cynnig cyfle i fusnesau chwarae rhan yn y gwaith o adfer natur trwy ddod yn bartneriaid corfforaethol i Goetir Anian. Mae partneriaethau corfforaethol yn hanfodol i gefnogi ein gwaith.
Partneriaethau
Mae tri opsiwn partneriaeth, wedi’u henwi ar ôl prif goed y goedwig law Geltaidd. Os nad oes yr un o’r rhain yn gweddu i’ch gofynion a bod gennych ddiddordeb mewn cefnogi elfen benodol o’n gwaith, cysylltwch â ni i drafod.
| BUDDION AELODAETH | CRIAFOLEN – £500 pa | BEDWEN – £1,500 pa | DERWEN – £5,000 pa |
| Defnydd logo Coetir Anian | y | y | y |
| Eich rhestru ar ein gwefan | y | y | y |
| Eich logo ar ein gwefan | y | y | |
| Cyhoeddusrwydd cyfryngau ynghylch y bartneriaeth | y | ||
| Plannu coed brodorol ar y safle | 10 | 30 | 100 |
| Taith gerdded dywysedig ar gyfer grŵp o staff neu gwsmeriaid | y | y | y |
| Profiad gwyllt ar y coetir i grŵp o staff neu gwsmeriaid | 1 diwrnod | 3 diwrnod + gwersylla | |
| Cyflwyniad unigryw am y prosiect i staff neu gwsmeriaid | y |
Os ydych yn dymuno cefnogi ein gwaith yn fwy hael, gallwn drafod trefniant uwch bartneriaeth wedi’i deilwra i’ch gofynion.