Adfer cynefinoedd a rhywogaethau, cysylltu pobl gyda natur a mannau gwyllt

Cysylltu
Gwirfoddoli
Cyfrannu
Bog Day 2025

Ymunwch â ni dydd Sadwrn y 27ain o Fedi i ddysgu am goed y goedwig law Geltaidd, actra’n gasglu hadau i blannu mwy o goed. Gwelwch y manylion yma

Mae ein diwrnod gwirfoddoli ar y 27ain o Fedi – a dyma hefyd ein Diwrnod Hadau Coed Cymunedol blynyddol. Gwelwch y manylion yma.

Gwelwch diweddariadau bywyd Bwlch Corog trwy ein dilyn ar  Facebook, Instagram neu X(Twitter)

Mae ein cylchlythyr diweddaraf allan, gyda diweddaraiadau am bopeth sydd wedi bod yn digwydd dros y misoedd diweddaf

Mae’r Adroddiad ar Gyflwr Coedwigoedd Glaw Cymru yn egluro pwysigrwydd gwarchod ein coedwigoedd glaw Celtaidd

Elusen Gymreig yw Coetir Anian, gyda’r nodau o adfer cynefinoedd a rhywogaethau, a chysylltu pobl â natur a mannau gwyllt. Rydym yn gofalu am safle 150 hectar o’r enw Bwlch Corog, wedi ei leoli yn ucheldiroedd Canolbarth Cymru ger yr Afon Dyfi a’r môr, a dyma lle mae ffocws ein gwaith.

Mae mawndir diffaith yn cael ei adfer i orgors a rhostir yr ucheldir. Mae gorchudd coed yn cynyddu i ail-greu ehangder mawr o goedwig frodorol a ffridd. Mae anifeiliaid gwyllt fel belaod y coed a llygod y dŵr yn dychwelyd a gallai fod cyfleoedd yn y dyfodol i ailgyflwyno rhau rhywogaethau cynhenid eraill yn y dyfodol.

Mae’r prosiect yn gweithio gydag ysgolion cynradd ac yn cynnal gwersylloedd ieuenctid ar gyfer pobl ifanc bregus a difreintiedig. Ynghyd â’n diwrnodau gwirfoddoli, cychwynnodd rhaglenni ar gyfer oedolion a phobl ifanc o ystod amrywiol o gefndiroedd yn ystod haf 2021. Fel adnodd cymunedol, mae’r safle ar gael am ddim i fwynhau pleserau syml fel cerdded a gwersylla, gan gadw at yr egwyddor o adael dim ôl .

Archwiliwch yr adrannau isod, neu wyliwch ein ffilm i ddysgu mwy.

 

Ceffylau yn y coetir

TIR

Adfer cynefinoedd a rhywogaethau ar draws y dirwedd

Cynnau tan

POBL

Profiadau gwyllt ar gyfer addysg a chysylltiad natur

Amcanion Strategol a Chynlluniau

EGWYDDORION A BLAENORIAETHAU ARWEINIOL

Amcanion Strategol a Chynlluniau yr elusen

“R’yn ni wedi darganfod pwy ydyn ni.” – Disgybl, Ysgol Uwchradd Crughywel

“Mae wedi tanio fy chwilfrydedd a fy nymuniad i ymgysylltu’n ddyfnach â natur, cefais fy ysbrydoli i weithredu gyda gofal a pharch.” – Aelod o’r Gwersyll Byw’n Wyllt

“Dyma brosiect y dylai pob disgybl yng Nghymru ei brofi.” – Athro, Ysgol Uwchradd Crughywel

“Gwnaeth i fi feddwl am fywyd a fy hunan – roeddwn i’n hoffi bod o amgylch y tân fel teulu.” – Disgybl, Ysgol Gyfun Llanidloes

“Cafodd y plant gyfle i ddatblygu eu sgiliau gwaith tîm a thrafod. Maent wedi mwynhau’r profiad ac wedi dysgu sgiliau bywyd go iawn.” – Athrawes, Ysgol Gynradd Penllwyn

“Rwy’n credu bod y trip yn anhygoel! A dysgais lawer! A’r pethau ges i lawer o hwyl yn eu dysgu oedd am gynnau tân, a hoffwn fynd eto! Go iawn! Roedd yn wych!!” -Disgybl, Ysgol Gynradd Maesyrhandir

“Ymrwymodd y myfyrwyr yn llawn i’r profiad ac wrth i’r wythnos fynd heibio gwelsom rai newidiadau gwych.” – Athro, Ysgol Uwchradd Crughywel

“Roedd yn brofiad anhygoel. Dwi wedi dysgu pethau anhygoel a newydd. Mae Jane a Clarissa yn garedig iawn. Methu aros i ddod yn ôl eto.” – Disgybl, Ysgol Gynradd Penllwyn

“Roedd y cyfle i’r plant fentro’n ddiogel yn wych – cynnau tân, blasu cnau cyll, chwarae ym myd natur.” – Athrawes, Ysgol Gynradd Maesyrhandir

“Diolch i’r tîm i gyd – mae eich gwybodaeth, angerdd a phrofiad yn wych ac wedi cloriannu’r gwersyll.” – Aelod o’r Gwersyll Byw’n Wyllt

“Rwy’ wedi cael diwrnod hwyliog a diddorol iawn, rwy’n credu ei fod wedi agor ‘fi’ newydd.” – Disgybl, Ysgol Gyfun Llanidloes

“Y pethau gorau: cynnau tân, rhoi cynnig ar gnau Ffrengig. Y pethau anodd: bod yn ddigon dewr i roi cynnig ar afalau surion, cynnau tân gyda’r dur tân. Y pethau newydd: coginio bara naturiol, cynnau tân â matsis.” – Disgybl, Ysgol Gynradd Penllwyn

“Ni allaf roi mewn geiriau pa mor amhrisiadwy fu cysylltu’n ddwfn â natur.” – Aelod o Wersyll Changes UK


TANYSGRIFIWCH I'N CYLCHLYTHYR